कविता म्हणजे कविता म्हणजे कविता असते..

कविता म्हणजे कविता म्हणजे कविता असते
शब्दांची ती अर्थपूर्ण लांबलचक माळ असते
भावनेच्या तेलात तळून शब्दांच्या बुडबुड्यातून
वर आलेली ती खुसखुशीत भजी असतात

विडंबनाच्या प्रदेशातून फ़िरणार्या त्या हरिणी असतात
सिरीयस सिंहांच्या वाटेतल्या त्या भक्ष्य असतात
तर कधी प्रसीध्द व्यक्तींच्या त्या सवल्या असतात
चुकून कधी शरीर मिळाले तर मातीचे ते पाय असतात
तात्विक जंजाळाच्या उजाड वाळवंटात तहानलेल्यांची ती आस असते

कविता म्हणजे कविता म्हणजे कविता असते
शब्दांची ती अर्थपूर्ण लांबलचक माळ असते.

हेमंत पाटील - सुरत