किती तरी दिवसात..

किती तरी दिवसात आपली
भेटच झाली नाही
रात्री अपरात्री घोटून
कॉफीच केली नाही

कांदे भजी खाता खाता
गप्पा रचल्या नाही
तुझ्या भावविभोर शब्दात
कविता सजल्या नाही

तार स्वरात वाऱ्यावरती
सूर फेकले नाही
काहितरी करायला पायजे
असे ऐकले नाही

भटाबिटांच्या कवितंची पण
छेड काढली नाही
सगळे मिळून 'अरे वेड्या'
'पत्र' वाचली नाही

किती तरी दिवसात लेका
तुला भेटलो नाही
शहाण्यासारखा वागत गेलो
वेडाच झालो नाही

(tushar joshi, nagpur)